नेपाली कांग्रेसको पदाधिकारी बैठक बस्दै
काठमाडौं । नेपाली कांग्रेसले पदाधिकारी बैठक बोलाएको छ । देउवा निवास बुढानीलकण्ठमा कांग्रेस नेताहरुले बिहान ९ बजे बैठक बसेर छलफल गर्न लागेका हुन् । सरकारको सिफारिसमा राष्ट्रपति विद्यादेवी भण्डारीले संसद विघटन गरेर चुनावको मिति घोषणा गरेको विषयमा छलफल हुने बताइएको छ ।
पार्टी सभापति शेरबहादुर देउवाले बहुमत सांसदहरुको हस्ताक्षर सहित प्रधानमन्त्रीमा दाबी गरे पनि राष्ट्रपतिले त्यसलाई नमानेको भन्दै कांग्रेस रुष्ट छ । राष्ट्रपति र प्रधानमन्त्रीबाट लोकतन्त्रमाथि हमला गरेको भन्दै कांग्रेस नेताहरू आक्रोश भइरहेका छन् ।
राष्ट्रपति विद्यादेवी भण्डारीले सरकार गठनका लागि नेपाली कांग्रेसका सभापति शेरबहादुर देउवा र एमाले अध्यक्ष केपी शर्मा ओलीको दाबी नपुगेको भन्दै प्रधानमन्त्री नियुक्त गर्न नमिल्ने बताउदै मन्त्रिपरिषद्को सिफारिसमा शुक्रबार राति प्रतिनिधिसभा विघटन गर्दै कात्तिक २६ र मंसिर ३ गते प्रतिनिधिसभाको चुनाव गर्ने गरी मिति समेत तोक्नुभएको छ ।
यो पनि पढ्नुहोस्
