देउवालाई भेट्न बुढानिलकण्ठ पुगे प्रचण्ड
काठमाण्डौं । नेपाली कांग्रेसका सभापति शेरबहादुर देउवालाई भेट्न बुढानिलकण्ठमा नेकपा माओवादी केन्द्रका अध्यक्ष पुष्पकमल दाहाल प्रचण्ड पुगेका छन् ।
सोमबार मध्यान्ह प्रचण्ड देउवा निवास पुगेका हुन् । स्रोतका अनुसार अहिले देउवा र प्रचण्डबीच भेटवार्ता जारी छ। यस अघि प्रचण्डले कोटेश्वर पुगेर माधवकुमार नेपालसँग भेटवार्ता गरेका थिए। कांग्रेस, माओवादी लगायत ५ विपक्षी गठबन्धनले देउवालाई भावी प्रधानमन्त्रीका रूपमा अगाडि सारेका थिए ।
प्रतिनिधि सभा विघटनविरूद्ध राजनीतिक र कानुनी लडाइँ लड्ने बताएका गठबन्धनले प्रतिनिधि सभा विघटनबारे सर्वोच्चको फैसला कुरिरहेका छन् ।
यो पनि पढ्नुहोस्
