सैनामैना १ मा तरुण भेला सम्पन्न

सैनामैना। नेपाली काँग्रेसको भातृ संगठन नेपाल तरुण दल सैनामैना – १ ले आईतबार तरुण भेला सम्पन्न गरेको छ ।

तरुण दल रुपन्देहीका जिल्ला सदस्य प्रशान्त कोइरालाको प्रमुख आथित्यता तथा सैनामैना २ का क्षेत्रीय कोषाध्यक्ष राज बहादुर क्षेत्री को विशिष्ट आथित्यतामा सम्पन्न कार्यक्रममा काग्रेसको आसन्न १४ औं महाधिवेशनका अवसरमा युवाहरुको भुमिकाका बारेमा छलफल गरिएको थियो ।

भेलामा नेपाली कांग्रेसको आसन्न अधिवेशनमा पार्टीको महत्त्वपूर्ण जिम्मेवारी पदहरुमा युवाहरुको उपस्थिती रहनुपर्ने वक्ताहरुको भनाई रहेको थियो ।

तरुण दल सैनामैनाका सभापति राजेश सिग्देलको अध्यक्षतामा सम्पन्न कार्यक्रममा सैनामैना-१ का कांग्रेस सभापति चिन्तामणि भुषाल , खानेपानी सरसफाइ तथा उपभोक्ता संस्था सैनामैना १ का अध्यक्ष कविराम कुंवर, सैनामैना बन उपभोक्ता समितिका अध्यक्ष लाल बहादुर काला मगर , तरुण दल सैनामैनाका सभापति राजकुमार चौधरी , उपसभापति सिता अर्याल, तरुण दल क्षेत्रीय सद्स्य आशिष कडेल लगायतको आथित्यता रहेको थियो ।

तारा प्रसाद गौतमको स्वागत मन्तब्य रहेको कार्यक्रमको सञ्चालन काँग्रेस सैनामैना १ का सचिब बिष्णु सरतुङेले गर्नु भएको थियो ।