कांग्रेस महाधिवेशन : सहमति, सहकार्य र एकताका साथ अघि बढ्नुपर्नेमा जोड
बुटवल । नेपाली कांग्रेस लुम्बिनी प्रदेश संसदीय दलका सचेतक निर्मला क्षेत्रीले कांग्रेसको १४ औं महाधिवेशनलाई गुट र उपगुट समाप्त पारि सम्पन्न गर्नुपर्नेमा जोड दिएकी छन् ।
शनिबार नेपाली कांग्रेस अर्घाखाँची-रुपन्देही सम्पर्क समितिले बुटवलमा आयोजना गरेको क्षेत्रीय प्रतिनिधिहरु छलफल कार्यक्रममा उनले जनताको भावना र लोकतन्त्रलाई बलियो बनाउन कांग्रेसको अहम् भुमीका रहेकोले सबै जिम्मेवार भएर अगाडि बढनु पर्ने आजको पहिलो आबश्यक रहेको बताईन् ।
क्षेत्रीले महाधिवेशनलाई लक्षित गर्दै स्थानीय तहदेखि केन्द्रसम्म सहकार्य, एकता र सहमतिका साथ अघि बढ्नुपर्नेमा जोड दिदै क्षेत्रीले कांग्रेसको आसन्न १४ औं महाधिवेशनले सक्षम नेतृत्व चयन गर्ने विश्वास व्यक्त गरिन् ।
नेपाली कांग्रेस अर्घाखाँचीका जिल्ला कार्य समितिका सदस्य माधव भुसालले कांग्रेस लोकतान्त्रिक अभ्यासबाट नेतृत्व चयन गर्ने पार्टी रहेको बताउँदै विधिको शासन अवलम्वन गरेर पार्टीलाई अगाडी बढाउनुपर्नेमा जोड दिए ।
सो अवसरमा नेपाली कांग्रेस पाणिनी गाउँपालिका वडां नं। ४ का सभापति धर्मराज घिमिरे, ट्रेड युनियन कांग्रेस अर्घाखाँचीका सभापति सुमन्त बस्याल, नेपाली कांग्रेस अर्घाखाँची(कपिलवस्तु सम्पर्क समाजका सभापति तुल्सीराम घिमिरे,उपाध्यक्ष टिकाराम बन्जाडे, मैदान–रुपन्देही सम्पर्क समाजका अध्यक्ष थानेश्वर घिमिरे, नेविसंघ अर्घाखाँची( रुपन्देही सम्पर्क समितिका सभापति ठाकूर घिमिरे लगाएतले मन्तव्य राखेका थिए ।
कार्यक्रम कांग्रेस अर्घाखाँची रुपन्देही सम्पर्क समितीका सभापति तुल्सी भुषालको अध्यक्षता र सचिव विनोद घिमिरेको सञ्चालनमा सम्पन्न भएको थियो ।
यो पनि पढ्नुहोस्
