कांग्रेस महाधिवेशन : बुटवलको सभापतिमा खेलराज पाण्डे बिजयी

खबरपथ संवाददाता

९ आश्विन २०७८, शनिबार २२:३९

बुटवल । नेपाली काँग्रेसको १४ औं महाधिवेशन अन्तर्गत बुटवल उपमहानरपालिकाको सभापतिमा खेलराज पाण्डे विजयी भएका छन् । महिला नेतृ रीता केसी संगको प्रतिस्पर्धामा २८८ मत अन्तरले सभापतिमा पाण्डे विजयी भएका हुन । कुल ५४५ मत खसेकामा पाण्डेले ४१२ मत प्राप्त गरेका छन् भने केसीले १२४ मत प्राप्त गरेकी छिन् ।

त्यसैगरी उपसभापतिमा ज्योती भण्डारी ४०३ मत र हितमान पुन २८२ मत , सचिवमा गंगा पन्थी ३०७मत , र छायाँ पोखरेल २९४ मत तथा सहसचिवमा गणेश घिमिरे ३०० मत र देवराज अर्गली २९७ मत सहित विजयी भएका छन् । सहसचिवमा निर्वाचित घिमिरे केसी प्यानलका हुन । बाँकी सदस्यमा भने सर्वसम्मत भएको निर्वाचन समितिले जनाएको छ ।

पार्टीका वरिष्ठ नेता रामचन्द्र पौडेल समुहबाट पाण्डे र सभापति शेरबहादुर देउवा समुहबाट केसी प्यानल सहित चुनावी मैदानमा थिए ।एक सहसचिव बाहेक सबै पदमा पाण्डेको प्यानलका उम्मेदवार निर्वाचित भएका छन् ।