तिलोत्तमाको योगीकुटीमा एकै घरको दुई पसलमा आगलागी
बुटवल । तिलोत्तमाको योगीकुटीमा एकै घरको दुई पसलमा आगलागी भएको छ । एक मदिरा पसल र किराना पसलमा आगलागी भएको हो ।
तिलोत्तमा नगरपालिका २ योगिकुटी खानेपानी टंकी नजिक रहेको मेगा श्री जनरल स्टोर र मेगा श्री कोल्ड स्टोरमा शुक्रबार अपरान्ह ४ बजे आगलागी भएको हो ।
तिलोतमा, बुटवल र सिद्धार्थनगरको तिनवटा दमकलको सहायताले नेपाली सेना, प्रहरी र सर्वसाधारणले आगो नियन्त्रणमा लिएका छन् ।
आगलागीबाट पसलमा रहेका सम्पूर्ण सामान जलेर नष्ट भएको छ भने डेढ करोड बढीको क्षति भएको प्रारम्भिक अनुमान गरीएको छ । विद्युत सर्ट भएर आगलागी भएको हुन सक्ने प्रहरीको आशंका छ ।
यो पनि पढ्नुहोस्
