२०७७ मंसिर २८ गतेदेखि पौष ४ गतेसम्मको साप्ताहिक राशिफल

मेष : अभिभावक वर्ग वा विशिष्ट व्यक्तिको सहयोग प्राप्त हुनेछ । जागिरेमा बढुवा, प्रशंसा र पुरस्कार पाउने योग छ । कतै छोटो दुरीको लाभदायी यात्रा पनि हुन सक्छ । पारिवारिक जीवनमा रमाइलोपना आउने छ । तर घरायसी काममा समय र धन खर्च हुनेछ ।

वृष : आफन्त र मित्रवर्गको सहयोग पाइने समय नै छ । सकारात्मक सोच बढ्ने छ। तपाईंको चिन्तन र उपायले काम गर्न सक्छ । आम्दानीका मार्गहरू खुल्ला रहनेछन् । मानसम्मानमा बृद्धि हुनेछ । बौद्धिक चिन्तन वा विचारले धेरैलाई आकर्षण गर्ने समय छ । प्रशंसकहरू बढ्नेछन् ।

मिथुन : एकोहोरो र जिद्दीपना त्याग्नु राम्रो हुनेछ । छरछिमेकमा भएका असमझदारीको सुलह हुनेछ । धार्मिक र सामाजिक क्षेत्र एवं मित्रवर्गको सहयोग प्राप्त हुनेछ । बन्द व्यापारमा सोचे जस्तै लाभ लिन सकिने छ । घर परिवारमा आनन्दको वातावरण सिर्जना हुनेछ । स्वास्थ्य सबल रहने छ । प्रेम सम्बन्ध र दाम्पत्य जीवनमा रमाइलोपन देखिने छ ।

कर्कट: आर्थिक रूपमा सबल हुनुहुनेछ, कारोबारमा फाइदा हुने छ । विपरीत लिङ्गीबाट आवश्यक सहयोग मिल्नेछ । पठनपाठनमा प्रगति हुनेछ, नयाँ ज्ञान प्राप्त हुने योग छ । पछाडि कुरा काट्ने शत्रु आफैं पराजित हुनेछन् । सामाजिक कार्यमा नेतृत्वदायी भूमिका वहन गर्नु पर्नेछ, जसबाट प्रतिष्ठा प्राप्त हुनेछ । प्रेममा उच्च सफलता प्राप्त हुने योग छ ।

सिंह : प्रसन्नता र खुसीको समाचार आउने छ । परोपकारका क्षेत्रमा काम
गर्न मन लाग्नेछ । रकमको कारोबार र लेनदेनमा विवाद आउने सम्भावना छ, यद्यपि यो साता आर्थिक समस्या हल गर्ने उपाय देखा पर्नेछ । ठूलो महत्त्वाकाङ्क्षा राखेर धन लगानी गर्नु राम्रो हुने छैन । सुरुमा केही नोक्सानी बेहोर्नु पर्नेछ ।

कन्या: समाजिक क्षेत्रमा लगानी हुन सक्छ । घरपरिवारबाट साथसहयोग
प्राप्त हुनेछ । कतिपय राम्रा अवसरहरू प्राप्त हुनेछन्, स्वास्थ्य अनुकूल हुनेछ । मित्र, परिवार र सहयोगीले साथ दिनेछन् । व्यवसायिक क्षेत्रबाट पनि लाभ मिल्ने योग छ ।

तुला : सुरूका दिनहरू प्रतिकुल छ्न् । सानातिना घरायसी कामहरूमा समय व्यतीत हुनेछ । काममा ढिलासुस्ती भए पनि चिताएको परिणाम प्राप्त हुने योग छ ।

वृश्चिक : परोपकारी विचार आउन सक्छन्, त्यस्तै प्रेम र भाइचारा जीवन्त तुल्याउने अवसर प्राप्त हुनेछ ।खानपिनमा रूचि बढ्ने छ। शुभ समाचार सुन्न पाइने छ।
मान्यजनको आशीर्वचन प्राप्त हुनेछ । पठनपाठमा रूचि बढ्ला । सार्वजनिक हीतका क्षेत्रमा सक्रियता बढ्ने छ ।

धनु : राजनैतिक र सामाजिक प्रतिष्ठा कायम राख्न लगानी गर्ने समय आएको छ । बन्धु बान्धव र दाजुभाइको सहयोग लिनसकिने छ । वैदेशिक व्यापार, कृषिव्यवसाय र नोकरी गर्नेका लागि सन्तोषजनक रहने छ । आम्दानीमा कमी आउने छैन । यात्राको सम्भावना छ ।

मकर: वस्त्र, अलङ्कार आदि खरिद गर्ने योग छ । कुनै नयाँ ठाउँमा निवेश र लगानीको वातावरण बन्नेछ । विशिष्ट व्यक्तित्वसँग भेटघाट र मित्रता हुनेछ । घुमघाम र भेटघाटको समय छ,मेवामिष्ठान्न र परिकार मिल्नेछ । आत्मविश्वास बढ्नेछ । पारिवारिक जमघटमा मन रमाउनेछ ।नसोचेको ठाउँबाट धनागमको सङ्केत पनि छ।

कुम्भ : समय मध्यम छ । दैनिक कामकाजमा बाधा आउने छ । शत्रुहरूको
गतिविधिले काममा असर पर्नेछ । प्रारम्भमा केहि राम्रो छ । गरेका काममा अवरोध आउने एवं अपमान वा अपजस सहनु पर्ने छ ।

मीन : व्यापारिक वा दैनिक कामहरू सन्तोषजनक ढंगलेसम्पन्न हुनेछन् । खानपिनका परिकार प्राप्त हुने र भ्रमण, पर्यटन, रमझम तथा सामाजिक काममा सहभागी हुनु पर्नेछ । धार्मिक र सामाजिक काममा मन जान सक्छ । आर्थिक क्षेत्र सवल रहने छ।

प्रस्तुतकर्ता : ज्यो.चक्रपाणी डुम्रे (शास्त्री)
अकला देवी ज्योतिष एवं वास्तु सेवा केन्द्र
ति.न. पा. १ नयाँमिलचोक
सम्पर्क न.९८५७०३५४६१