पार्टीको आधिकारिकता दाबी गर्न दाहाल-नेपाल निर्वाचन आयोगमा
काठमाडौँ। नेकपाको दाहाल नेपाल समूहका अध्यक्ष पुष्पकमल दाहाल र माधव कुमार नेपाल पार्टीको आधिकारिकता दाबी गर्न निर्वाचन आयोगमा पुगेका छन् ।
पार्टी र चुनाव चिह्न सूर्यको आधिकारिकता दाबी गर्न दाहाल र नेपाल आयोगको कार्यालय पुगेको नेता शिव कुमार मण्डलले जानकारी दिए ।
उनीहरूका साथमा नेता झलनाथ खनाल, नारायणकाजी श्रेष्ठ, भीम रावल, वर्षमान पुन, घनश्याम भुसाल, राजेन्द्र पाण्डे लगायतका नेताहरू पनि आयोगमा पुगेका छन् ।
साविकको ४४१ केन्द्रीय सदस्यमा बहुमत आफ्नो पक्षमा रहेकाले नाम र चिह्न आफूहरूले पाउनुपर्ने दाहाल–नेपाल पक्षको माग छ ।