नेपालमा पछिल्लो २४ घण्टामा थप ८,६५९ जनामा कोरोना पुष्टि,५८ को मृत्यु
काठमाडौँ । नेपालमा पछिल्लो २४ घण्टामा थप ८ हजार ६५९ जनामा कोरोना पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार देशभरका विभिन्न प्रयोगशालामा गरिएको २० हजार ७५६ जनाको पीसीआर परीक्षणमा ८ हजार ६०५ र ६१६ को एन्टिजेन विधिबाट गरिएको परीक्षणमा ५४ जनामा कोरोना पुष्टि भएको हो ।
पछिल्लो २४ घण्टामा ५८ जनाको मृत्यु भएको छ । नेपालमा कोरोना संक्रमणबाट हालसम्म ३,४७५ जनाको मृत्यु भएको छ ।
नेपालमा पछिल्लो २४ घण्टामा थप १९ सय ९३ जना कोरोना संक्रमित संक्रमणमुक्त भएका छन् । योसँगै कोरोना संक्रमणमुक्त हुनेको संख्या २ लाख ८९ हजार ७८३ पुगेको छ ।
हाल सम्म कोरोना सक्रिय संक्रमितको संख्या ६६ हजार ३५२ पुगेको छ । यो सहित नेपालमा हालसम्म कोरोना संक्रमितको संख्या ३ लाख ५९ हजार ६१० पुगेको छ ।
यो पनि पढ्नुहोस्
