पछिल्लो २४ घण्टामा थप ८४१८ जनामा कोरोना पुष्टि, ५३ को मृत्यु
काठमाडौँ । नेपालमा पछिल्लो २४ घण्टामा थप ८ हजार ४१८ जनामा कोरोना पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार देशभरका विभिन्न प्रयोगशालामा गरिएको १७ हजार ३१५ जनाको पीसीआर परीक्षणमा ८ हजार २८७ र ९८९ को एन्टिजेन विधिबाट गरिएको परीक्षणमा १३१ जनामा कोरोना पुष्टि भएको हो ।
यस संगै नेपालमा हालसम्म कोरोना संक्रमितको संख्या ३ लाख ८५ हजार ८९० पुगेको छ ।
पछिल्लो २४ घण्टामा थप ५३ जना कोरोना संक्रमितको मृत्यु भएको छ । यससँगै हालसम्म ज्यान गुमाउने कोरोना संक्रमितको संख्या ३ हजार ६३२ पुगेको स्वास्थ्य तथा जनसंख्या मन्त्रालयले जानकारी दिएको छ ।
पछिल्लो २४ घण्टामा थप ३ हजार ३७० जनाले कोरोना संक्रमण मुक्त भएका छन् । यससँगै कोरोना संक्रमणमुक्त हुनेको संख्या २ लाख ९८ हजार ७६५ पुगेको छ ।
यो पनि पढ्नुहोस्
