नेपालमा पछिल्लो २४ घण्टामा ८५२० जनामा कोरोना पुष्टि, २०३ को मृत्यु
काठमाडौँ । नेपालमा पछिल्लो २४ घण्टामा ८ हजार ५२० जनामा कोरोना पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार देशभरका विभिन्न प्रयोगशालामा गरिएको २० हजार ९४८ जनाको पीसीआर परीक्षण र ५३० जनाको एन्टिजेन विधिबाट गरिएको परीक्षणमा ८ हजार ५२० जनामा कोरोना पुष्टि भएको हो ।
यससंगै नेपालमा हालसम्म कोरोना संक्रमितको संख्या ४ लाख २९ हजार ६५८ पुगेको छ ।
नेपालमा थप २०३ जना कोरोना संक्रमितको मृत्यु भएको छ । मन्त्रालयका प्रवक्ता गौतमले पछिल्लो २४ घण्टामा मृत्यु भएका र २४ घण्टामा विवरण प्राप्त भएकाहरु गरी जम्मा २०३ जना कोरोना संक्रमितको मृत्यु भएको जानकारी दिएका हुन् ।
यससँगै हालसम्म कोरोनाले ज्यान गुमाउनेको संख्या ४ हजार ६६९ पुगेको मन्त्रालयले जानकारी दिएको छ ।
पछिल्लो २४ घण्टामा थप ६ हजार १३५ जना कोरोना संक्रमित संक्रमणमुक्त भएका छन् । यससँगै कोरोना संक्रमण मुक्त हुनेको संख्या ३ लाख २७ हजार ६५३ पुगेको छ ।
यो पनि पढ्नुहोस्
