पछिल्लो २४ घण्टामा थप ८१६७ जनामा कोरोना पुष्टि, १८७ को मृत्यु
काठमाण्डौं । नेपालमा पछिल्लो २४ घण्टामा थप ८१६७ जनामा कोरोना पुष्टि भएको छ । मन्त्रालयका अनुसार शनिबार पीसीआर विधिबाट १७९७१ र एन्टिजेन विधिबाट ५७७ जनाको परीक्षण गर्दा ८१६७ जनामा कोरोना संक्रमण पुष्टि भएको हो । यो संगै हालसम्म संक्रमित हुनेको संख्या चाहिँ ४ लाख ४७ हजार ७०४ पुगेको छ ।
त्यस्तै २४ घण्टामा थप १८७ जना संक्रमितको मृत्यु भएको मन्त्रालय जनाएको छ । यो संगै हालसम्म ४८५६ संक्रमितको मृत्यु भएको छ ।
त्यस्तै यस अवधिमा ५४८८ जनाले कोरोना जितेका छन् । यो संगै देशभर कोरोना निको हुनेको कुल संख्या ३ लाख ३३ हजार १०८ जना पुगेको छ ।
हाल सम्म १ लाख ९ हजार ७४० जना सक्रिय संक्रमित रहेका छन् । उनीहरु होम आइसोलेशन र विभिन्न अस्पतालमा उपचाररत रहेका छन् ।
यो पनि पढ्नुहोस्
