पछिल्लो २४ घण्टामा ४७६२ जनामा कोरोना पुष्टि,११४ को मृत्यु
काठमाडौँ । नेपालमा पछिल्लो २४ घण्टामा ४ हजार ७६२ जनामा कोरोना पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको १५ हजार ५५ जनाको पीसीआर परीक्षणमा ४ हजार १७८ र २ हजार ४२५ जनाको एन्टिजेन विधिबाट गरिएको परीक्षणमा ५८४ जना गरी कुल ४ हजार ७६२ जनाको कोरोना पुष्टि भएको हो ।
पछिल्लो २४ घण्टामा थप ११४ जना कोरोना संक्रमितको मृत्यु भएको छ। योसँगै हालसम्म कोरोनाले ज्यान गुमाउनेको संख्या ७ हजार ३८६ पुगेको मन्त्रालयले जानकारी दिएको छ । सोही अवधिमा देशभरका विभिन्न अस्पतालबाट ६ हजार ४९१ जना कोरोना मुक्त भएर डिस्चार्ज भएको मन्त्रालय जनाएकोछ ।
यो पनि पढ्नुहोस्
