पछिल्लो २४ घण्टामा ६०८५ जनामा कोरोना पुष्टि, ६८९८ जना कोरोना मुक्त
काठमाडौँ । नेपालमा पछिल्लो २४ घण्टामा ६ हजार ८५ जनामा कोरोना पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको १७ हजार १४७ जनाको पीसीआर परीक्षणमा ५ हजार २८५ र ३ हजार १८ जनाको एन्टिजेन विधिबाट गरिएको परीक्षणमा ८०० जना गरी कुल ६ हजार ८५ जना कोरोना संक्रमित थपिएका हुन् । यो संगै नेपालमा हालसम्म कोरोना संक्रमितको संख्या ५ लाख ६६ हजार ५८७ पुगेको छ ।
पछिल्लो २४ घण्टामा थप ६८ जना कोरोना संक्रमितको मृत्यु भएको छ । यो संगै कोरोना भाइरस संक्रमणका कारण मृत्यु हुनेको संख्या ७ हजार ४५४ पुगेको छ ।
सोही अवधिमा देशभरका विभिन्न अस्पतालबाट ६ हजार ८९८ जना कोरोना मुक्त भएर अस्पतालबाट डिस्चार्ज भएको मन्त्रालयले जनाएको छ । यो संगै हालसम्म संक्रमण मुक्त हुनेको संख्या ४ लाख ५४ हजार ३४४ रहेको छ ।
यो पनि पढ्नुहोस्
