पछिल्लो २४ घण्टामा थप १९२० जनामा कोरोना पुष्टी, ३४ को मृत्यु

काठमाडौं । पछिल्लो २४ घण्टामा थप १९२० जनामा कोरोना पुष्टी भएको छ । स्वास्थ्य तथा जनसंख्या मन्त्रालयका अनुसार ६००० जनामा गरिएको पीसीआर परीक्षणमा १३५३ र ३८३६ जनामा गरिएको एन्टिजेन परीक्षणमा ५६७ जना गरी १९२० जनामा संक्रमण पुष्टि भएको हो । योसंगै हालसम्म नेपालमा ६ लाख ६५ हजार ७७७ जनामा कोरोना भाइरस संक्रमित भएका छन् ।

त्यसैगरी पछिल्लो २४ घण्टामा कोरोना मुक्त हुनेको संख्या ३००७ रहेको छ । यो संगै हालसम्म नेपालमा कोरोना मुक्तहुनेको संख्या ५ लाख ८४ हजार ३३४ जना रहेको छ ।

पछिल्लो २४ घण्टामा ३४ जना संक्रमितको मृत्यु भएको छ । योसंगै हालसम्म नेपालमा ९००९ जना कोरोना संक्रमितको मृत्यु भएको मन्त्रालयले जनाएको छ ।