पछिल्लो २४ घण्टामा ३ हजार ४२१ जनामा कोरोना पुष्टि
काठमाडौँ । नेपालमा पछिल्लो २४ घण्टामा ३ हजार ४२१ जनामा कोरोना पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको १२ हजार २४० जनाको पीसीआर परीक्षणबाट २ हजार ३९१ र ५ हजार ३२ जनामा गरिएको एन्टिजेन परीक्षणमा १ हजार ३० जना गरी जम्मा ३ हजार ४२१ जनामा संक्रमण पुष्टि भएको हो ।
यो संगै नेपालमा कोरोना संक्रमितको कुल संख्या ६ लाख ८२ हजार ९४७ पुगेको छ भने ६ लाख ४५ हजार ३०१ जना संक्रमण मुक्त भएका छन् ।
पछिल्लो २४ घण्टामा थप २५ जना कोरोना संक्रमितको मृत्यु भएको छ । यो संगै हाल सम्म ९७३८ जना संक्रमितको मृत्यु भएको छ । त्यसैैगरी देशभरका विभिन्न अस्पतालबाट थप १ हजार ६८६ जना कोरोना मुक्त भएको मन्त्रालयले जनाएको छ ।
यो पनि पढ्नुहोस्
