२४ घण्टामा थप ३८९९ जनामा कोरोना पुष्टि
काठमाडौं । पछिल्लो २४ घण्टामा ३ हजार ८९९ जनामा कोरोना पुष्टि भएको छ । देशभरका विभिन्न प्रयोगशालाका १२ हजार ६५५ पीसीआर परीक्षण गर्दा २ हजार ७२६ जना र ४ हजार ८६३ एन्टिजेन परीक्षण गर्दा १ हजार १७३ गरी ३ हजार ८९९ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमितको कुल संख्या ६ लाख ८५ हजार ५७३ पुगेको छ ।
यस्तै पछिल्लो २४ घण्टामा २० जना कोरोना संक्रमितको मृत्यु भएको छ । योसंगै हालसम्म ९ हजार ७५८ जना कोरोना संक्रमितको मृत्यु भएको छ ।
त्यसैगरी पछिल्लो २४ घण्टामा १ हजार ७७८ जना कोरोना मुक्त भएका छन् । योसंगै हालसम्म ६ लाख ४७ हजार ७९ जना संक्रमण मुक्त भएका छन् ।
मन्त्रालयका अनुसार हाल देशभर सक्रिय संक्रमितको संख्या २८ हजार ८३६ जना रहेका छन् । जसमध्ये २५ हजार ९३८ जना होम आइसोलेसनमा रहेका छन् भने २ हजार ८९८ जना संस्थागत आइसोलेसनमा रहेका छन् ।
यो पनि पढ्नुहोस्
