थप ४,१०७ जनामा कोरोना पुष्टि, ३५ को मृत्यु

काठमाडौं । पछिल्लो २४ घण्टामा थप ४,१०७ जनामा कोरोना पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका प्रयोगशाला बाट ११ हजार ३५४ नमुनाको पीसीआर परीक्षण गर्दा २,९७५ जना र ४,९४४ जनाको एन्टीजेन परीक्षण गर्दा ११३२ जना गरी ४,१०७ जनामा संक्रमण पुष्टि भएको हो । योसंगै हालसम्म नेपालमा कोरोना संक्रमितको कुल संख्या ७ लाख ५ हजार ७२ पुगेको छ ।

पछिल्लो २४ घण्टामा थप ३५ जना कोरोना संक्रमितको मृत्यु भएको छ । यो संगै नेपाल हालसम्म ९ हजार ९५७ जनाको मृत्यु भएको छ ।

पछिल्लो २४ घण्टामा १ हजार ५३५ जना कोरोनाबाट मुक्त भएका छन् । यो संगै हालसम्म नेपालमा ६ लाख ६१ हजार ६५१ जना संक्रमण मुक्त भएका छन् ।