थप ३,९३८ जनामा कोरोना पुष्टि,३७ को मृत्यु
काठमाडौं । पछिल्लो २४ घण्टामा थप ३,९३८ जनामा कोरोना पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका प्रयोगशालाबाट गरीएको ११,८७० पीसीआर परीक्षणमा ३००७ जना र ६,५३८ एन्टिजेन परीक्षणमा ९३१ जना गरी ३९३८ जनामा संक्रमण पुष्टि भएको हो । योसंगै हालसम्म नेपालमा कोरोना संक्रमितको कुल संख्या ७ लाख ८ हजार ७९ पुगेको छ ।
मन्त्रालयका अनुसार पछिल्लो २४ घण्टामा ३७ जना कोरोना संक्रमितको मृत्यु भएको छ । योसंगै हालसम्म नेपालमा ९ हजार ९९४ जना कोरोना संक्रमितको मृत्यु भएको छ ।
त्यसैगरी पछिल्लो २४ घण्टामा थप २०१२ जना संक्रमण मुक्त भएका छन् । योसंगै हालसम्म नेपालमा कोरोना मुक्त हुनेको संख्या ६ लाख ६३ हजार ६६३ जना रहेको छ ।
मन्त्रालयका अनुसार हाल देशभर सक्रिय संक्रमितको संख्या ३४ हजार ४२२ जना रहेका छन् । जसमध्ये ३१ हजार १०८ जना होम आइसोलेसनमा रहेका छन् भने ३ हजार ३१४ जना संस्थागत आइसोलेसनमा रहेका छन् । कोरोनाका बिरामीमध्ये ७१३ जना आईसीयू र १५८ जना भेन्टिलेटरमा उपचाररत् रहेका छन् ।
यो पनि पढ्नुहोस्
