थप ३,७२९ जनामा कोरोना पुष्टि,२५ को मृत्यु
काठमाडौं । पछिल्लो २४ घण्टामा थप ३,७२९ जनामा कोरोना पुष्टि भएको छ । स्वास्थ्य तथा जनसंख्या मन्त्रालयका अनुसाार देशभरका प्रयोगशालाबाट प्राप्त ९ हजार ४ सय ९३ पीसीआर परीक्षण गर्दा २ हजार ४३० जना र ६ हजार १८२ एन्टिजेन परीक्षण गर्दा १ हजार २ सय ९९ गरी ३ हजार ७२९ जनामा कोरोना भाइरसको संक्रमण पुष्टी भएको हो । योसंगै हालसम्म नेपालमा कोरोना संक्रमितको संख्या ७ लाख १० हजार ५०९ पुगेको छ ।
त्यसैगरी पछिल्लो २४ घण्टामा कोरोना संक्रमणबाट २५ जनाको मृत्यु भएको छ । यो संगै हाल सम्म नेपालमा १० हजार १९ जना कोरोना संक्रमितको मृत्यु भएको छ ।
त्यसैगरी १ हजार ८८५ जना कोरोनाा मुक्त भएका छन् । यो संगै हालसम्म नेपालमा कोरोना मुक्त हुनेको संख्या ६ लाख ६५ हजार ५४८ जना रहेका छन् ।
मन्त्रालयका अनुसार हाल देशभर सक्रिय संक्रमितको संख्या ३४ हजार ९४२ जना रहेका छन् । जसमध्ये ३१ हजार ४२७ जना होम आइसोलेसनमा रहेका छन् भने ३ हजार ५१५ जना संस्थागत आइसोलेसनमा रहेका छन् । कोरोनाका बिरामीमध्ये ७३२ जना आईसीयू र १५८ जना भेन्टिलेटरमा उपचाररत् रहेका छन् ।
यो पनि पढ्नुहोस्
