थप ३,४०३ जनामा कारोना पुष्टि, ४२ को मृत्यु
काठमाडौं । पछिल्लो २४ घण्टामा थप ३ हजार ४०३ जनामा कारोना पुष्टि भएको छ । स्वास्थ्य तथा जनसङ्ख्या मन्त्रालयका अनुसार देशभरका प्रयोशाला बाट ११ हजार ८ सय ३९ पिसीआर परीक्षणमा २ हजार ६ सय १३ र ४ हजार ९ सय ९९ एन्टिजेन परीक्षणमा ७ सय ९० जना गरी ३ हजार ४०३ जनामा कारोना पुष्टि भएको हो । योसँगै हालसम्म नेपालमा सङ्क्रमितको सङ्ख्या ७ लाख ३९ हजार ९ सय ७ पुगेको छ ।
त्यसैगरी पछिल्लो २४ घण्टामा थप २ हजार १ सय ४ जना सङ्क्रमण मुक्त भएका छन् । योसँगै हाल सम्म नेपालमा सङ्क्रमण मुक्त हुनेहरुको सङ्ख्या ६ लाख ८९ हजार १ सय ७३ पुगेको छ ।
त्यसै गरी पछिल्लो २४ घण्टामा थप ४२ जना कारोना संक्रमितको मृत्यु भएको छ । यो संगै हालसम्म नेपालमा कोरोना संक्रमितको मृत्यु हुनेको संख्या १० हजार ३ सय ९६ पुगेको छ ।
हाल ३३ हजार ८ सय ८ होम आइसोलेशनमा तथा ३ हजार ५ सय ३२ जना संस्थागत आइसोलेशनमा छन् । त्यसैगरी ७ सय ७० आइसीयू र १ सय ८६ जना भेन्टिलेटरमा उपचाररत छन् । देशभर सक्रिय सङ्क्रमितको सङ्ख्या ४० हजार ३ सय ३८ रहेको छ ।
यो पनि पढ्नुहोस्
