कांग्रेस महाधिवेशन : देउवाले दिए सभापतिमा उम्मेदवारी
काठमाडौं। नेपाली कांग्रेसका सभापति शेरबहादुर देउवाले १४ औं महाधिवेशनमा पुन : सभापति पदका लागि उम्मेदवारी दर्ता गर्नु भएको छ ।
महाधिवेशनस्थल पुुगेर सभापति देउवाले प्यानल सहितको उम्मेदवारी दर्ता गर्नु भएको हो । देउवा प्यानलबाट उपसभापतिमा विजय गच्छदारले उम्मेदवारी दिनु भएको छ । महामन्त्री पूर्ण बहादुर खड्काले पनि उपसभापतिको उम्मेदवारी दर्ता गर्नुभएको छ ।
महामन्त्रीमा सह-महामन्त्री डा.प्रकाशशरण महत र कृष्णप्रसाद सिटौला निकट प्रदीप पौडेल पनि देउवाको प्यानलबाट महामन्त्रीको उम्मेदवार दर्ता गर्नु भएको छ ।
सहमहामन्त्रीमा आदिवासी जनजातिबाट भीष्मराज आङदेम्बे, दलितमा मान बहादुर बिक, महिलामा डिना उपाध्याय, मधेसीमा महेन्द्र यादव, खस आर्यमा किशोर सिंह राठौर, मुस्लिममा फरमुल्लाह मन्सुर र पिछडिएको क्षेत्रबाट जीवन बहादुर शाही सहमहामन्त्रीका उम्मेदवार दर्ता गराउनु भएको छ ।
यो पनि पढ्नुहोस्
