सिंहदरबारमा सर्वदलीय बैठक सुरू
काठमाण्डौं । प्रतिनिधीसभाका सभामुख अग्नि सापकोटाले बोलाएको सर्वदलीय बैठक सिंहदरबारमा सुरू भएको छ ।
सभामुख अग्नि प्रसाद सापकोटाले प्रधानन्यायाधीश चोलेन्द्र शमशेर राणाविरूद्ध महाअभियोग दर्ता भएपछिको समसामयिक राजनीतिक विषयमा छलफल गर्न बैठक बोलाउनु भएको हो ।
बैठकमा नेपाली कांग्रेसका सभापति एवं प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा (एकीकृत समाजवादी) का अध्यक्ष माधव कुमार नेपाल, जनता समाजवादी पार्टीका अध्यक्ष उपेन्द्र यादव को उपस्थिती रहेको छ भने प्रमुख प्रतिपक्षी दल नेकपा एमालेको भने उपस्थिती रहेको छैन ।
सभामुख सापकोटाले संसदमा प्रतिनिधित्व गर्ने सबै दललाई बैठकमा बोलाउनुभएको हो ।
यो पनि पढ्नुहोस्
