दलहरूबीच सहमति भए एमसिसी संसदमा टेबल हुन नरोक्ने सभामुख सापकोटाको भनाई
काठमाण्डौं । सभामुख अग्नि सापकोटाले दलहरूबीच सहमति भए आफूले अमेरिकी सहयोग परियोजना एमसिसी संसदमा टेबल हुन नरोक्ने बताउनु भएको छ ।
सोमबार सिंहदरबारमा भएको सर्वदलीय बैठकपछि सञ्चारकर्मीहरूसँग कुरा गर्दै सभामुख सापकोटाले आफू अम्पायरको भूमिकामा रहेकाले दलहरूबीच सहमति गरेर सरकारले ल्याएका प्रस्ताव आफूले नरोक्ने बताउनु भएको छ ।
आजको बैठकमा दलहरूले एमसिसीबारे राखेका धारणालाई आफूले निष्पक्ष रूपमा सुनेको र संसद सुचारू भए पछि यसको प्रक्रिया अघि बढ्ने बताउनु भएको छ ।
बैठकमा प्रमुख प्रतिपक्षी नेकपा एमाले सहभागी भएन। आजको बैठकमा संसद खुलाउन एमालेलाई मनाउन सबै दलले पहल गर्ने विषयमा पनि छलफल भएको थियो ।
यो पनि पढ्नुहोस्
