संसद बैठक दिउँसो १ बजे बस्दै , एमसीसीमाथि छलफल हुने

बुटवल ।  संघीय संसद बैठक आज दिउँसो १ बजे बस्दैछ । बिहिबार बस्ने बैठकमा गत फागुन ८ गते सदनमा टेवल भएको एमसीसी सम्झौतामाथि छलफल हुनेछ ।

सभामुख अग्नि प्रसाद सापकोटाले बिहान ११ बजे कार्यव्यवस्था परामर्श समितिको बैठक पनि बोलाएका छन् । दलहरूबीच एमसीसीका बारेमा साझा धारण बनाउने प्रयास भइरहेको छ।  सत्तारुढ दलबीच नै यसबारे मत बाझिएको छ । सरकारको नेतृत्व गरिरहेको नेपाली कांग्रेस जसरी पनि एमसीसी पास गर्ने रणनीतिमा छ भने सत्तासाझेदार माओवादी केन्द्र र नेकपा (एकीकृत समाजवादी) एमसीसीको विपक्षमा छ ।

सक्ता साझेदार दलसँग एमसीसीबारे मत विभाजित भएपछि प्रधानमन्त्री देउवाले प्रमुख प्रतिपक्षी नेकपा एमाले अध्यक्ष केपी शर्मा ओलीसित पनि छलफल गरिरहेका छन् ।