संसद बैठक आज दिउँसो १ बजे बस्दै
काठमाडौं । संसद बैठक आज दिउँसो १ बजे बस्दैछ । गत फागुन ८ गते एमसीसी सम्झौता अनुमोदनका लागि संसदमा टेबल भए पश्चात पटक-पटक सारिएको बैठक आज बस्न लागेको हो ।
यस अघि संसद बैठक १२ गतेसम्मका लागि स्थगित गरिएको थियो । तर, सत्ता गठबन्धनको कुरा नमिल्दा १२ गतेको बैठक अन्तिम समयमा सूचना टाँस गरेर १३ गते सारिएको थियो । १३ गते पनि बैठक बस्न नसकेपछि आजका लागी सारिएको हो ।
यसैबीच सभामुख अग्नि प्रसाद सापकोटाले बिहान साढे ११ बजेका लागि प्रतिनिधिसभा कार्य व्यवस्था परामर्श समितिको बैठक बोलाएका छन् ।
आजको बैठकको मुख्य एजेण्डा एमसीसी नै हुनेछ । एमसिसीबारे दलहरूबीच सहमति नहुँदा संसद बैठक नै अनिश्चित जस्तै भएको हो ।
यो पनि पढ्नुहोस्
