एमालेसँग चुनावी तालमेल काँग्रेसको व्यवहारमा भरपर्छ : प्रचण्ड
बुटवल । माओवादी केन्द्रका अध्यक्ष पुष्पकमल दाहाल ‘प्रचण्ड’ले एमालेसँग चुनाबी तालमेल कुरा कांग्रेसको ब्यवहारमा भर पर्ने बताएका छन् । बिहीबार बुटवलमा प्रेस सेन्टरले गरेको पत्रकार सम्मेलनमा बोल्दै प्रचण्डले तत्काल एमालेसँग कुनै चुनावी तालमेल गर्ने सम्भावना नरहेको यधपी राजनितीमा असम्भव भन्ने कुरा नभएको बताए ।
कांग्रेसका केही नेताहरूले कुनै हालतमा तालमेल गरिँदैन भनेर अतिवाद ढंगले बोल्न थालेको भन्दै प्रचण्डले भने कांग्रेसले लखेट्नै थाल्यो भने परिस्थिती के हुन्छ भन्न नसकिने बताए ।
कांग्रेस नेताहरूले गठबन्धन गर्न नहुने बताए पनि कांग्रेस सभापति शेरबहादुर देउवा गठबन्धनका पक्षमा भएकाले सत्तारूढ दलबीच चुनावमा केही स्थानमा तालमेल हुन सक्ने उनले बताए ।
‘हामी सबै दल आ-आफ्नै एजेन्डा लिएर चुनावमा जाने कुरा प्राथमिक हो। गठबन्धनका दलहरूबीच तालमेल गर्ने कुरा सेकेन्डरी हो । सबै ठाउँमा हुँदैन, कुनै कुनै ठाउँमा हुन पनि सक्छ,’ प्रचण्डले भने ।
यो पनि पढ्नुहोस्
