एमालेबाट बुटवलको मेयरमा भट्टराई र उपमेयरमा अर्यालको उम्मेदवारी दर्ता
बुटवल । नेकपा एमालेले बुटवल उपमहानगरको मेयर तथा उपमेयरका लागि उम्मेदवारी दर्ता गराएको छ । बाजागाजा र दलबल सहित बुटवलको निर्वाचन अधिकृतको कार्यालयमा पुगेर सोमबार उम्मेदवारी दर्ता गराएको हो ।
पार्टी उपाध्यक्ष बिष्णु पौडेल सहित निर्वाचन कार्यालयमा पुगेको टोलीमा मेयरका लागि बाबुराम भट्टराई र उपमेयरका लागि साबित्रा अर्यालले उम्मेदवारी दर्ता गराएका हुन् । उपाध्यक्ष पौडेलसँगै लुम्बिनीका अध्यक्ष लिला गिरी, हाल बुटवलका मेयर तथा एमाले केन्द्रीय सदस्य शिवराज सुवेदी, उप मेयर तथा केन्द्रीय सदस्य गोमा आचार्य, युवा नेता गोपाल रानासहितको टोली आयोगमा पुगेको थियो । उम्मेदवारी दर्ता गराउनु अघि सञ्चारकर्मीहरुसँग संक्षिप्त प्रतिक्रिया जनाउँदै मेयरका उम्मेद्वार भट्टराईले समृद्ध बुटवल खुसी जनताको संकल्प पूरा गर्नका लागि आफ्नो उम्मेदवारी रहेको उल्लेख गरे ।
यो पनि पढ्नुहोस्
