सुनको मुल्य प्रतितोला एक लाख १० हजार रुपैयाँ

काठमाण्डौं । आज सुनको मुल्य हालसम्म कै उच्च भएको छ । आइतबार सुन प्रतितोला एक लाख १० हजार रुपैयाँ पुगेको छ । लगातार बढिरहेको सुनको मूल्य आज हाल सम्मकै उच्च बिन्दुमा पुगेको हो । शुक्रबार तोलामा चार सय रुपैयाँ बढेको सुनको मूल्य आज प्रति तोला दुई हजार नौ सय रुपैयाँ बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १० हजार रुपैयाँ र तेजाबी सुन प्रतितोला एक लाख नौ हजार पाँच सय रुपैयाँमा कारोबार भइरहेको छ । शुक्रबार छापावाल सुन प्रतितोला एक लाख सात हजार एक सय रुपैयाँ र तेजाबी सुन प्रतितोला एक लाख छ हजार छ सय रुपैयाँमा कारोबार भएको थियो।