चलचित्र पत्रकार संघको स्थापना दिवसमा दुई पत्रकार सम्मानित
बुटवल । चलचित्र पत्रकार संघको २४ औ स्थापना दिवसको अवसरमा चलचित्र पत्रकार संघ रुपन्देहीले एक कार्यक्रमका बीच २ जना पत्रकारलाई सम्मान गरेको छ ।
स्थापना दिवसको अवसरमा शनिबार बुटवलमा कार्यक्रमको आयोजना गरी स्व. पत्रकार एनबी कंडेलको स्मृतिमा एनबी चलचित्र पत्रकारिता पुरस्कार २०७९ बाट टोपराज शर्मा र नवोदित चलचित्र पत्रकारिता पुरष्कारबाट विरेन्द्र कुवंरलाई नगद सहित सम्मान गरिएको हो ।
कार्यक्रमकी प्रमुख अतिथि गायिका बन्दनाले चलचित्र पत्रकार र कलाकारको सम्बन्ध नङ र मासुको भएको बताउनु भएको छ ।
उक्त कार्यक्रममा नेपाल पत्रकार महासंघ रुपन्देहीका अध्यक्ष रामराज पोख्रेल, नेपाल प्रेस युनियनका अध्यक्ष कविन्द्र नेपाल, जनपत्रकार संगठनका बिनोद खनाल, निबर्तमान अध्यक्ष सुमन श्रेष्ठ, सल्लाहकार मनिष पन्थ लगायतले शुभकामना दिंदै आ-आफ्ना धारणा राख्नु भएको थियो ।
चलचित्र पत्रकार संघ रुपन्देहीका अध्यक्ष मोहन न्यौपानेको अध्यक्षतामा कार्यक्रम सम्पन्न भएको थियो ।
यो पनि पढ्नुहोस्
