बुटवलका पूर्वउपप्रमुख खनालको निधन
बुटवल । बुटवल उपमहानगरपालिकाका पूर्व उपप्रमुख रामप्रसाद खनालको निधन भएको छ । ८३ वर्षीय खनालको बुटवलको तिनाउ अस्पतालमा उपचारका क्रममा आइतबार बिहान साढे २ बजे निधन भएको हो ।
दम बढेपछि उपचारका क्रममा निधन भएको बुटवल उपमहानगरप्रमुख खेलराज पाण्डेयले जानकारी दिए । खनाल २०४९ सालदेखि २०५३ सम्म तत्कालीन बुटवल नगरपालिकाको उपप्रमुख रहेका थिए । शलिन नेताका रुपमा रहेका खनालले लामो समय नेपाली कांग्रेसको बुटवल नगर सभापति सम्हालेका थिए ।
यो पनि पढ्नुहोस्
