बुटवल मेलामा समिक्षाले नचाईन दर्शक
मेलामा समिक्षा आउने भएपछि दर्शकको पनि भिड बढेको थियो । समिक्षाले गित गाईरहँदा दर्शक उनको गितसंगै नाचेर, गाएर, हुटिङ् गरेर साथ दिएका थिए । मेलामा दर्शकको भिडले आयोजकलाई पनि फुक्र्याएको थियो ।
बुटवल उद्योग वाणिज्य संघको आयोजनामा बुटवल मण्डपमा भएको औद्योगिक व्यापार मेलामा शुक्रबार समिक्षा सहित लालमायाँ थापा, सम्झना रणपाल, श्रीकृष्ण अर्याल, भुवन अधिकारी मिसन मगर लगायतका कलाकारको प्रस्तुती रहेको थियो ।
यहि पुसको १८ गतेसम्म चल्ने मेलामा शनिबार लोक तथा दोहोरी गायक पशुपती शर्मा, प्रचण्ड जिसी, चेतना थापा, रितु थापा, डान्सर परि क्षेत्री संगै स्थानीय अरोक्ष ब्राण्डको प्रस्तुती रहने सांस्कृतिक कार्यक्रम संयोजक निर्मित कसजुले जानकारी गराउनु भयो ।
यो पनि पढ्नुहोस्
