सुनको मुल्य घट्यो
काठमाडौँ । नेपाली बजारमा सुनको मुल्य आजपनि घटेको छ ।
गत शुक्रबार प्रतितोला ७२ हजारमा कारोबार भएको सुन आज ५ सय रुपैयाँ घटेको नेपाल सुनचाँदी व्यवसायी महासंघले जनाएको छ ।
आइतबार प्रतितोला सुनको मुल्य ७१ हजार ५ सय कायम गरिएको छ । यस्तै, तेजावी सुनको मुल्य पनि घटेको छ । नेपाली बजारमा तेजावी सुन प्रतितोला ७१ हजार २ सय निर्धारण गरिएको छ ।
अन्तर्राष्ट्रिय बजारमा सुनको मुल्य ओरालो लाग्न थालेपछि नेपाली बजारमा पनि घट्न थालेको हो । यस्तै आज चाँदीको मुल्य पनि घटेको छ । चाँदीको मुल्य १५ रुपैयाँले घटेर प्रतितोला ८ सय ८५ कायम भएको छ । शुक्रबार चाँदीको मुल्य ९ सय थियो ।