राष्ट्रपति विद्यादेवी भण्डारीद्वारा संविधान संशोधन विधेयक प्रमाणीकरण
काठमाण्डौं । राष्ट्रपति विद्यादेवी भण्डारीले लिपुलेक, लिम्पियाधुरा र कालापानी क्षेत्र समेटिएको नयाँ नक्सा संविधानको निसान छापमा राख्ने संविधान संशोधन विधेयक प्रमाणीकरण गर्नुभएको छ । नेपालको नयाँ राजनीतिक नक्साले संवैधानिक मान्यता पाएको छ ।
प्रतिनिधिसभाबाट जेठ ३१ गते सर्वसम्मत पारित भएको विधेयकलाई बिहीबार राष्ट्रियसभाबाट सर्वसम्मपतिले पारित भएको थियो । दुबै सदनबाट पारित भएको विधेयक बिहीबार राष्ट्रपति भण्डारीले प्रमाणीकरण गर्नुभएको राष्ट्रपति कार्यालयले जनाएको छ ।
राष्ट्रपतिले प्रमाणीकरण गर्नुभए सँगै उक्त विधेयक अब संविधानको अंग बनेको छ। उक्त विधेयक राजपत्रमा पनि प्रकाशित हुनेछ।
यो पनि पढ्नुहोस्
