बुटवलमा एक कोरोना संक्रमितको मृत्यु
बुटवल । बुटवलमा एक जना कोरोना संक्रमितको मृत्यु भएको छ । बुटवलको लुम्बिनी प्रादेशिक अस्पतालमा उपचाररत कपिलवस्तु–७ का ४२ बर्षिय कोरोना संक्रमित एक पुरुषकोे शनिबार बिहान उपचारका क्रममा मृत्यु भएको हो ।
बुटवल स्थित प्रादेशिक अस्पतालमा रहेको ‘एक्सपर्ट एक्सप्रेस सार्स कोभ–२’ प्रयोगशालामा गरिएको परीक्षणमा उनमा कोरोना देखिएको अस्पतालका मेडिसिन डिपार्टमेन्ट प्रमुख डा. सुदर्शन थापाले बताउनु भयो ।
उनलाई स्वास प्रश्वासमा समस्या देखिएपछि उपचारका लागी तिन दिन अघि अस्पताल भर्ना गरिएको थियो । उनको फोक्सोमा समस्या देखिएपछि अस्पतालको आईसीयुमा उपचार भईरहेको थियो ।
यस अघि पनि कपिलवस्तुका एक जना कोरोना संक्रमितको उपचारकै क्रममा बुटवलमा मृत्यु भएको थियो ।
यो पनि पढ्नुहोस्
