राष्ट्रिय सम्मानसहित पर्वतारोही शेर्पाको अन्त्येष्टि
काठमाडौं । विश्व कीर्तिमानी आरोही ‘हिम चितुवा’ उपनामले परिचित पर्वतारोही आङरिता शेर्पाको राष्ट्रिय सम्मानका साथ आज अन्त्येष्टि गरिएको छ । उनको बिहान टेकु दोभानमा धार्मिक परम्पराअनुसार अन्त्येष्टि गरिएको हो ।
उनको पार्थिव शरीरमा पर्यटनमन्त्री योगेश भट्टराईले राष्ट्रिय झण्डा ओढाएर सम्मान व्यक्त गरे । सुरक्षाकर्मीहरुले शेर्पा प्रति सलामी अर्पण गरे ।
शव यात्रासहित शेर्पाको पार्थिब शरिर टेकु दोभान पुर्याइएको थियो । शवयात्रामा लामा धर्मगुरुहरु, आरोहीहरु, आफन्तजन लगायतको सहभागीता थियो ।
विनाअक्सिजन १० पटकसम्म विश्वको सर्वोच्च शिखर सगरमाथाको सफल आरोहण गरेका शेर्पाको असोज ५ गते काठमाडौं स्थित छोरीको घरमा निधन भएको थियो ।