बुटवलमा कपिलवस्तुकी कोरोना संक्रमित महिलाको मृत्यु
बुटवल । बुटवलको धागो कारखाना स्थित कोरोना बिशेष अस्थायी अस्पतालमा थप एक कोरोना संक्रमित महिलाको मृत्यु भएको छ । कपिलवस्तु वाणगंगा ११ वनगाईकी ७० वर्षीया महिलाको मृत्यु भएको लुम्बिनी प्रादेशिक अस्पताल बुटवलका सूचना अधिकारी डा.विष्णु गौतमले जानकारी दिनुभयो ।
दम र मृगौलाको समस्या रहेको उनमा असोज ५ गते कोरोना पुष्टि भएपछि अस्पतालमा भर्ना गरिएको थियो । उनको भेन्टिलेटरमा उपचारको क्रममा बिहिबार साँझ साढे ५ बजे मृत्यु भएको डा.गौतमले जानकारी दिनुभयो ।
बिहीबार नै बुटवलको कोरोना अस्पतालमा उपचाररत नवलपरासी र कपिलवस्तुका दुईजना संक्रमितको उपचारको क्रममा मृत्यु भएको थियो ।