प्रगति टोल विकास संस्था बुटवलको १७ औं साधारण सभा सम्पन्न

बुटवल प्रगति टोल विकास संस्था बुटवलको १७ औं साधारणसभा सम्पन्न भएको छ । शनिवार बुटवलमा एक कार्यक्रमको आयोजना गरी साधारण सभा सम्पन्न गरिएको हो । संस्थाका अध्यक्ष नवराज चापागाँईको अध्यक्षता एंव वडा जनप्रतिनिधि दल वहादुर थापाको प्रमुख आतिथ्यतामा भएको कार्यक्रममा विगत २० वर्ष देखि हाल सम्म संस्थाले समाजमा गरेका कामहरुको प्रगती तथा गर्न वाँकी रहेका कामहरुको वारेमा चर्चा गरिएको थियो ।

२०५८ सालमा बुटवल उपमहानगरपालिका वडा नं.८ श्रवणपथमा गठन गरिएको उक्त प्रगति टोल विकास संस्था अहिले आफ्नो फराकिलो आकारमा परिणत हुँदै समाज परिवर्तनमा ठुलो योगदान पुर्याएको वताईएको थियो । सो कार्यक्रममा वोल्ने वक्ताहरुले एउटा घर वाट शुरु भएको टोल संस्थाले सुखौरा खोलामा आवत जावतका लागि निकै सास्ती खेप्दै आएका स्थानियहरुको सहजताका लागि फलामे पुलको निर्माण गर्दै आएको र आगामी दिनहरुमा पनि समाज रुपान्तरणका साथै नयाँ योजनाका साथ अगाडि वढ्ने वताएका थिए । कार्यक्रममा वोल्दै संस्थाका पूर्वअध्यक्ष एंव सल्लाहकार शेर वहादुर गौतमले कुनै समय कोठामा वसेर गठन गरिएको संस्थाले २ दशकको अवधिमा समाज रुपान्तरण देखि सडक, खानेपानी र साना पुल निर्माण सम्म आउन धेरै आरोहहरुलाई पार गर्दै आएको स्मरण गर्नुभएको थियो । सल्लाहकार गौतमले कोठे संस्थाको प्रगति एंव उन्नतिको लागि आफ्ना वुवा स्व.शशिधर गौतमको ठूलो योगदानले प्रगति टोल विसका संस्थाका प्रगतिले फट्को मारेको वताउनु भएको थियो । त्यस्तै कार्यक्रमका प्रमुख अतिथि दल वहादुर थापाले हिजोको दिनमा स्थानिय सरकार नभएको वेला उक्त संस्थाले समाजमा धेरै राम्रा कामहरु गर्दै आएको जनाउँदै, अवका दिन सहकार्य गरेर समाजको विकासको लागि अगाडि वढ्नु पर्नेमा जोड दिनु भएको थियो । कार्यक्रममा टोल विकास संस्थाका पूर्वअध्यक्ष, सल्लाहकार र सदस्यहरुको उपस्थिती रहेको रहेको थियो ।